Samhradh an Dòchais – Prògram Chleasan Samhraidh tron Ghàidhlig
Bha Sgioba Gàidhlig Chomhairle na Gàidhealtachd fìor thoilichte prògram farsaing chleasan a thabhann tron Ghàidhlig airson iomairt Samhradh an Dòchais.
Bha cothrom aig daoine òga air cleasan cruthachail, spòrsail is an-asgaidh thairis air còig seachdainean tro shaor-làithean an t-samhraidh. Dh’obraich Sgioba Gàidhlig Chomhairle na Gàidhealtachd le buidhnean Gàidhlig, cultair is spòrs a leithid Fèis na h-Òige, Comunn na Gàidhlig, Spòrs Gàidhlig agus Fèisean nan Gàidheal airson cuideachadh le bhith a’ lìbhrigeadh a’ phrògraim.
Thòisich am prògram còig-seachdainean le Fèis Bheag a chaidh a chumail ann am Bun-Sgoil Ghàidhlig Inbhir Nis – a’ chiad tachartas le Fèis na h-Òige a chaidh a chumail aghaidh ri aghaidh ann an cha mhòr dà bhliadhna – agus a bha a’ gabhail a-steach ealain is obair-chiùird, ceòl, karate agus camanachd.
Bha na cleasan tron Ghàidhlig air an tabhann do sgoilearan ann an grunn sgoiltean taobh a-staigh sgìre Chomhairle na Gàidhealtachd, a’ gabhail a-steach Ullapul, Baile Dhubhthaich, Inbhir Theòrsa, Farr agus Inbhir Pheofharain. Bha bòrdadh-pleadhaige, sgilean fàsaich, abseileadh is sreap am measg nan cleasan a lìbhrig Spòrs Gàidhlig. Bha na bùithtean-obrach eile ag amas air ceòl is dràma, geamannan agus ealain is obair-chiùird. Thill am prògram gu Bun-Sgoil Ghàidhlig Inbhir Nis le Fèis Bheag eile airson na seachdain mu dheireadh agus airson cleasan an t-samhraidh a thoirt gu crìch.
Thuirt an Comhairliche Calum Rothach, Cathraiche Comataidh Gàidhlig Chomhairle na Gàidhealtachd, “’S e deagh naidheachd a th’ ann gu bheil cleasan tron Ghàidhlig taobh a-muigh na sgoile air tilleadh agus gun robh cothrom aig daoine òga coinneachadh rin caraidean air a’ bhlàr a-muigh.” Lean e air adhart, “Tha seo air cur gu mòr rin sunnd is rin slàinte inntinn is chorporra às dèidh bliadhna dhùbhlanach fo bhuaidh COVID-19. Tha e math gun robh na cleasan air an dealbh gu sònraichte airson cothrom a thoirt do na daoine òga iad fhèin a bhogadh sa Ghàidhlig tro na saor-làithean”.
Thuirt Kirsteen Russell, pàrant a tha ag obair gu saor-thoileach airson Fèis na h-Òige, “Bha e sgoinneil cothrom fhaighinn Fèis dà-sheachdain a ruith às dèidh ùine cho mòr. Tha iomairt Samhradh an Dòchais a tha air a ruith ann an co-bhann le Sgioba Gàidhlig Chomhairle na Gàidhealtachd is air a maoineachadh le Youth Link Scotland air a bhith soirbheachail dha-rìribh agus tha e furasta fhaicinn gun do chòrd seo glan ris a’ chloinn.” Lean i air adhart, “Seach gu bheil nas lugha bhacaidhean ann a-nis, tha sinn an dòchas gun urrainn dhuinn tilleadh gu bhith a’ ruith nan clasaichean seachdaineach is mìosail againn agus tha sinn a’ coimhead air adhart ri tuilleadh thachartasan sna mìosan romhainn.”
Fhuair am pròiseact taic bho Chomhairle na Gàidhealtachd, Bòrd na Gàidhlig agus Youth Link Scotland.
Gheibhear tuilleadh fiosrachaidh bho dolina.grant@highland.gov.uk
Gaelic Medium Summer Activity Programme – Summer of Hope Initiative
Highland Council’s Gaelic Team were delighted to to offer a comprehensive programme of various activities held through the medium of Gaelic and delivered through the Summer of Hope Initiative.
The young people were able to access free, creative and fun-filled experiences over a period of 5 weeks during the school summer holidays.
The Highland Council Gaelic team worked with Gaelic, cultural and sports organisations which included Fèis na h-Òige, Comunn na Gàidhlig, Spòrs Gàidhlig and Fèis nan Gaidheal to assist in delivering the programme.
The 5-week programme started with a mini-Fèis held in Bun-sgoil Ghaidhlig Inbhir Nis (BSGI) the first Fèis na h-Òige event to be held face to face in almost 2 years and included arts and crafts, music, karate and shinty workshops.
The programme continued over 3 weeks offering Gaelic Medium activities to pupils in various schools within the Highland Council area, including Ullapool, Tain, Thurso, Farr and Dingwall. The sessions comprised of outdoor activities such as paddle boarding, bush craft, abseiling and climbing which were delivered by Spòrs Gàidhlig.
The remaining workshops included music and drama, games and arts and crafts.
The final week’s programme returned to Bun-sgoil Ghaidhlig Inbhir Nis with and additional mini-Fèis to complete the summer’s activities.
Councillor Calum Munro, Chair of the Highland Council Gaelic Committee said, “This has been a welcome return in offering extra-curricular Gaelic medium activities which has created a means to help the young people get outdoors and socialise with their friends. He continued, “This has really assisted and enhanced their emotional and physical well-being after a challenging year due to the impact of COVID-19. I also know that the activities were also designed to assist young people immerse themselves in Gaelic during the holiday period”.
Kirsteen Russell, volunteer parent and Treasurer for Fèis na h-Òige, said “It was amazing to be able to run almost a two- week Fèis after such a long time. The Summer of Hope Initiative run in conjunction with Highland Council Gaelic Team and funded by Youth Link Scotland has been a success with all the smiles and enjoyment evident in the children’s faces”. She continued, “Hopefully with restrictions easing we can now get back to running our weekly and monthly classes and look forward to more events in the coming months.”
The project received support from The Highland Council, Bòrd na Gàidhlig and Youth Link Scotland.
For further information contact dolina.grant@highland.gov.uk