Adhartas ga Dhèanamh air a’ Phlana Ghàidhlig
Tha Buill Comataidh Gàidhlig Chomhairle na Gàidhealtachd air fàilte a chur air an adhartas a thathar a’ dèanamh le bhith a’ lìbhrigeadh Treas Plana Gàidhlig Chomhairle na Gàidhealtachd (PnG3).
Thuirt Cathraiche na Comataidh, an Comhairliche Calum Rothach: “Bu chòir dhuinn a bhith moiteil às an adhartas a tha sinn a’ dèanamh le Plana Gàidhlig Chomhairle na Gàidhealtachd agus bu mhath leam taing a thoirt do na com-pàirtichean is don luchd-mhaoin againn uile, Riaghaltas na h-Alba agus Bòrd na Gàidhlig, airson na tha sinn air a choileanadh tro bhliadhna dhùbhlanach ri linn a’ phaindeamaig.”
Thuirt e cuideachd: “Tha 121 a-mach à 126 gnìomh sa Phlana a-nis an dàrna cuid air an crìochnachadh no air an t-slighe cheart. ’S e fìor dheagh choileanadh a tha seo ann an co-theacsa COVID agus tha mi a’ moladh an luchd-obrach is na com-pàirtichean a tha air obrachadh ann an dòigh cho cruthachail leis na teaghlaichean, na coimhearsnachdan is na sgoiltean againn gus leantainn air adhart a’ lìbhrigeadh nan geallaidhean againn a thaobh na Gàidhlig.”
Chaidh fiosrachadh a thoirt do Bhuill mu adhartas chlasaichean ‘SpeakGaelic’ do dh’inbhich thar na Gàidhealtachd ann an Inbhir Nis, Inbhir Pheofharain agus Inbhir Theòrsa (aghaidh ri aghaidh), agus anns an Eilean Sgitheanach (air-loidhne) agus ann am Baile Dhubhthaich, Ullapul agus Dòrnach sa Bhliadhn’ Ùir.
Chuir Sgioba Gàidhlig na Comhairle air dòigh sreath thachartasan do theaghlaichean is do chloinn airson seachdain Iomall a’ Mhòid air 9–15 Dàmhair le Comunn na Gàidhlig, Comann nam Pàrant, Fèis na h-Òige, Cultarlann, An Comunn Gàidhealach agus Spòrs Gàidhlig. Am measg nan tachartasan a chaidh a lìbhrigeadh gu soirbheachail airson Iomall a’ Mhòid bha cèilidh air làrach nam bonn, Fèis bheag, cèilidh teaghlaich, seisean phàistean, cuirm-chnuic sa choille, sgeulachd coille agus seisean ciùil agus bùth-obrach Màiri Mhòr nan Òran.
Chuir Sgioba na Gàidhlig cuideachd coimisean air dòigh airson bhidio mun Mhòd agus chaidh seo a dhèanamh taobh a-staigh na Comhairle gus a’ Ghàidhealtachd is na h-Eileanan a chur air adhart mar shàr àite airson a bhith a’ fuireach is ag obair ann agus airson chur-seachadan, uile ann an co-theacsa cultarail cànan na Gàidhlig. Cuideachd a thaobh a’ Mhòid – ann an co-bhann ris a’ Chomunn Ghàidhealach is le taic bho Fhèisean nan Gàidheal – chaidh Acadamaidh a’ Mhòid a lìbhrigeadh air-loidhne sa Chèitean is san Ògmhios agus shoirbhich le grunn sgoilearan sna farpaisean aca aig a’ Mhòd san Dàmhair.
Cuideachd, san Dàmhair bha cothrom aig 24 neach òg an cuid Gàidhlig a chleachdadh le cluicheadairean bho Chlub Ball-coise Caledonian Thistle Inbhir Nis aig campa ball-coise trì-latha a chaidh a lìbhrigeadh le coidseachan bho FC Sonas. Chaidh an campa a chur air dòigh le Sgioba Gàidhlig na Comhairle.
Chaidh mòran obrach a dhèanamh gus clubaichean is cleasan às dèidh sgoile a stèidheachadh às ùr aig sgoiltean Foghlam tron Ghàidhlig ann an Loch Abar, san Eilean Sgitheanach agus ann an Inbhir Nis agus thathar an dòchas gun tòisich na clubaichean às dèidh sgoile ann an Inbhir Pheofharain, Inbhir Theòrsa, Ullapul is Baile Dhubhthaich san Fhaoilleach 2022 – fhad ’s a cheadaicheas suidheachadh COVID.
Tha com-pàirteachas eadar Comhairle na Gàidhealtachd agus Club Seòlaidh an Eilein Sgitheanaich air cothrom a thoirt do dhaoine òga à Port Rìgh, Dùn Bheagan agus Cille Mhoire san Eilean Sgitheanach tighinn còmhla airson Gàidhlig a bhruidhinn air a’ bhlàr a-muigh ann an suidheachadh spòrsail is neo-fhoirmeil.
Thug Comhairlichean fa-near cuideachd dhan obair a tha High Life na Gàidhealtachd a’ dèanamh gus taic is leasachadh a thoirt air a’ Ghàidhlig sna seirbheisean aca a thaobh ceòl, taighean-tasgaidh, tasglannan, leabharlannan, spòrs is seirbheisean òigridh.
Chithear Plana Gàidhlig Chomhairle na Gàidhealtachd aig: https://www.highland.gov.uk/info/283/community_life_and_leisure/335/gaelic/2
Progress made on Gaelic Language Plan
Members of The Highland Council’s Gaelic Committee have welcomed progress being made on delivering the Council’s Third Gaelic Language Plan (GLP3).
Chair of the Gaelic Committee Cllr Calum Munro said: “There is much to be pleased about with the progression of the Highland Gaelic Language Plan and I want to thank our many partners and funders - the Scottish Government and Bòrd na Gàidhlig - for what we have been able to achieve during a challenging year of pandemic.”
He added: “One hundred and twenty one out of 126 actions in the Plan are either complete or are on target. This is a major achievement in the context of COVID and I commend our staff and partners who have worked creatively with families, communities and schools to continue delivering our commitments on Gaelic.”
Members were informed on the progress of the ‘SpeakGaelic’ classes for adults across Highland in Inverness, Dingwall and Thurso (face-to-face); and Skye (online) and in Tain, Ullapool and Dornoch in the New Year.
The Council’s Gaelic Team organised a series of events for families and children for the Mòd Fringe week 9-15 October in collaboration with Comunn na Gàidhlig, Comann nam Pàrant, Fèis na h-Òige, Cultur-Lann, An Comunn Gàidhealach and Spòrs Gàidhlig. A pop-up ceilidh, mini-Fèis, family ceilidh, toddler session, forest picnic, woodland story and music session and Màiri Mhòr nan Òran workshop were among the wide range of events delivered successfully for the Fringe.
The Gaelic Team also commissioned a video for the Mòd produced in-house by the Council to promote the Highlands and Islands as a fantastic place to live, work, and play within the cultural context of the Gaelic language. Also, for the Mòd – in association with An Comunn Gàidhealach, with support from Fèisean nan Gàidheal – the Mòd Academy was delivered online in May and June resulting in a number pupils achieving success in their competitions at the Mòd in October.
Also, in October 24 young people were able to practise their Gaelic speaking with players from Inverness Caledonian Thistle Football Club at a 3-day Gaelic Medium football camp which was delivered by coaches from FC Sonas. The camp was organised by the Council’s Gaelic Team.
Much work has been undertaken to re-establish after-school clubs and activities at Gaelic Medium Education schools in Lochaber, Skye and Inverness and it is hoped the after-school clubs in Dingwall Primary, Thurso, Ullapool and Tain will begin in January 2022 – COVID circumstances allowing.
A partnership between Highland Council and the Isle of Skye Sailing Club has enabled young people from Portree, Dunvegan and Kilmuir on Skye to get together outdoors speaking Gaelic in fun and informal circumstances.
Councillors also noted the work being carried out by High Life Highland in support of – and developing Gaelic – in their music, museums, archives, libraries, sport and youth services.
The Highland Council Gaelic Language Plan can be viewed at: https://www.highland.gov.uk/info/283/community_life_and_leisure/335/gaelic/2