Comhairle na Gàidhealtachd gus taic a thoirt do Sheachdain na Gàidhlig

Tha a’ chiad Seachdain na Gàidhlig, a tha ag amas air Gàidhlig na h-Alba a chomharrachadh air feadh an t-saoghail, air taic aona-ghuthach fhaighinn bho Chomhairle na Gàidhealtachd.

Tha Buill Comataidh Gàidhlig Chomhairle na Gàidhealtachd air fàilte a chur air an iomairt ùir agus air taic a chur ri prògram ghnìomhan is thachartasan a thèid a lìbhrigeadh le Sgioba Gàidhlig na Comhairle ann an com-pàirteachas le sgoiltean, buidhnean coimhearsnachd is buidhnean-gnìomha eile.

Thuirt Cathraiche Comataidh na Gàidhlig, an Comhairliche Calum Rothach: “Thathar a’ toirt tuairisgeul air Seachdain na Gàidhlig mar ‘Gàidhlig dhan a h-uile duine’ tro thachartasan oifigeil is gnìomhan coimhearsnachd a bheir cothrom an dà chuid do luchd-labhairt na Gàidhlig is dhaibhsan aig nach eil an cànan, com-pàirt a ghabhail ann an dòigh a fhreagras orra fhèin.

“Tha Comhairle na Gàidhealtachd a’ cur ri prògram Seachdain na Gàidhlig tro ghnìomhan adhartachaidh, gnìomhan sgoile is gnìomhan do dh’inbhich, a tha uile ag amas air luchd-labhairt is luchd-ionnsachaidh na Gàidhlig a bhrosnachadh gus an cànan a chleachdadh.

“Tha mi fìor thoilichte gu bheilear a’ cur solas air a’ Ghàidhlig anns an teaghlach, sna coimhearsnachdan againn, ann an riaghaltas is buidhnean poblach, ann am foghlam agus gnothachas, agus anns na h-ealain, cultar is dualchas. Tha sinn gu mòr an dòchas gum bi a’ chiad Seachdain na Gàidhlig seo a’ leantainn air adhart gu tachartas bliadhnail a bhios a’ comharrachadh na Gàidhlig airson iomadh bliadhna air thoiseach.”

Chuir comhairlichean fàilte air taisbeanadh mu Sheachdain na Gàidhlig bhon Stiùiriche aice, a’ Bh-uas Joy Dunlop agus bhon Rianaire aice, Mgr Grant MacPhàrlain.

’S e prògram seachd-latha de thachartasan a bhios ann an Seachdain na Gàidhlig, agus thèid a cumail bho Dhiluain 21 gu Latha na Sàbaid 27 Màrt 2022.

Tha fiosrachadh mun iomairt air an làraich-lìn aice aig http://www.seachdainnagaidhlig.scot/

Highland Council to support Seachdain na Gàidhlig (World Gaelic Week)

The first Seachdain na Gàidhlig (World Gaelic Week), which aims to celebrate Scottish Gaelic across the world has received unanimous support by The Highland Council.

Members of the Council’s Gaelic Committee have welcomed the new initiative and endorsed a programme of activities and events that will be delivered by the Council’s Gaelic Team in partnership with schools, community groups and other agencies.

Gaelic Committee Chair Cllr Calum Munro said: “Seachdain na Gàidhlig is described as ‘Gaelic for all’ through official events and community activities which will provide the opportunity for both Gaelic speakers and those without the language to take part in a way that suits them.

“Highland Council is contributing to the Seachdain na Gàidhlig programme through promotional, schools and adult activities aimed at encouraging Gaelic speakers and learners to use their language.

“I am delighted that the spotlight is being shone on Gaelic in the family, our communities, in government and public bodies, in education and business and in the arts, culture and heritage. Here’s hoping that this first Seachdain na Gàidhlig becomes an annual celebration for many years to come.”

Councillors welcomed a presentation on Seachdain na Gàidhlig by its Director, Ms Joy Dunlop and Administrator, Mr Grant McFarlane.

Seachdain na Gàidhlig, (World Gaelic Week), will be a seven-day programme of events, taking place from Monday 21 to Sunday 27 March 2022.

Details of the initiative are on its website at http://www.seachdainnagaidhlig.scot/