Moladh ga dhèanamh air Iomairtean Ionnsachadh is Leasachadh Coimhearsnachd Gàidhlig 

Tha raon de leasachaidhean Ionnsachadh is Leasachadh Coimhearsnachd Gàidhlig a’ cuideachadh gus taic a thoirt do dhaoine de gach aois a tha ag ionnsachadh na Gàidhlig anns na coimhearsnachdan aca air feadh na Gàidhealtachd.
 
Chaidh cunntas às ùr a thoirt do Bhuill Comataidh Gàidhlig Chomhairle na Gàidhealtachd mun raon phròiseactan a tha oifigearan Ionnsachadh is Leasachadh Gàidhlig na Comhairle a’ lìbhrigeadh agus iad a’ cuideachadh sean is òg gus a’ Ghàidhlig aca a thoirt air adhart.
 
Tha iomairtean ionnsachadh-cànain air iomadh coimhearsnachd a ruigsinn, nam measg: Cille Chuimein, Port Rìgh, Inbhir Nis, An Gearasdan, Baile Ùr an t-Slèibh, Inbhir Pheofharain, Cunndainn, Inbhir Theòrsa, Am Blàran Odhar, Am Ploc, Stafainn, Cille Mhoire, Druim na Drochaid, agus Inbhir Narann.
 
Thuirt an Comhairliche Calum Rothach, Cathraiche Comataidh Gàidhlig Chomhairle na Gàidhealtachd: “Tha na h-oifigearan Ionnsachadh is Leasachadh Coimhearsnachd air mòran obrach a choileanadh ann a bhith a’ toirt taic do phàrantan is do theaghlaichean len cuid Gàidhlig anns an dachaigh agus ann an ionadan tràth-ionnsachaidh is cùraim-chloinne, agus cuideachd ann a bhith a’ toirt taic do dh’iomairtean leasachadh coimhearsnachd Gàidhlig.”
 
Chaidh innse do Bhuill gu bheil neach-obrach taic phàistean Gàidhlig a-nis ann an cosnadh le Comhairle na Gàidhealtachd ann an Loch Abar agus gu bheil neach-obrach ùr air tòiseachadh ann an sgìre Linne Mhoireibh. Tha buidheann pàrant is pàiste Gàidhlig Bhaile Ùr an t-Slèibh air tòiseachadh às ùr le ceannard-cluiche ionadail. Airson Seachdain na Gàidhlig, an tachartas Gàidhlig nàiseanta, a chomharrachadh chuir Sgioba Gàidhlig na Comhairle air dòigh sreath de sheiseanan Leugh is Seinn le Linda airson sgoilearan ann am Foghlam tron Ghàidhlig sa Ghàidhealtachd.
 
Thar foghlam bun-sgoile, tha com-pàirteachas le FC Sonas airson campaichean ball-coise Gàidhlig a lìbhrigeadh air a bhith soirbheachail dha-rìribh. Chaidh clubaichean spòrs is cultarach agus cleasan eile às dèidh na sgoile, a leithid Club Spòrs, FilmG agus Ruith Spòrsail, a chur air bhonn cuideachd ann an grunn bhun-sgoiltean airson daoine òga a bhrosnachadh gus a’ Ghàidhlig a chleachdadh taobh a-muigh a’ chlasa ann am beatha làitheil agus ann an suidheachaidhean spòrsail.
 
Ann an àrd-sgoiltean, tha an Sgioba Ionnsachadh is Leasachadh Coimhearsnachd a’ toirt taic do bhuidhnean a leithid Sabhal Mòr Ostaig, Fèis Rois, an tachartas dreuchdan Gàidhlig Siuthad!, agus Ainmean-Àite na h-Alba airson sgoilearan àrd-sgoile a bhrosnachadh gus com-pàirt a ghabhail ann an tachartasan, cothroman is cleasan a tha air an cur air dòigh leis na buidhnean seo. 
 
Thar buidhnean-aoise nas sine, tha na h-oifigearan Ionnsachadh is Leasachadh Coimhearsnachd air a bhith a’ toirt taic do chlasaichean Gàidhlig do dh’inbhich, le iarrtas làidir airson clasaichean aghaidh ri aghaidh agus air-loidhne agus a’ cur air adhart chothroman ionnsachadh teaghlaich aig Sabhal Mòr Ostaig san Eilean Sgitheanach agus ann am Bun-Sgoil Ghàidhlig Loch Abar sa Ghearasdan.
 
Ann an com-pàirteachas le Alzheimer Alba na Gàidhealtachd an Iar, tha Sgioba na Gàidhlig a’ toirt taic do dh’iomairt ‘Còmhraidhean Gàidhlig’ airson taic a thoirt do luchd-cùraim is do theaghlaichean dhaoine air a bheil dementia agus aig a bheil a’ Ghàidhlig mar chiad chànan. Chuir an Sgioba taic cuideachd ri Buidheann Gàidhlig Chille Chuimein leis a’ phròiseict rannsachaidh aca ‘Gleann nam Bàrd’ agus seo a’ gabhail a-steach a bhith a’ clàradh is a’ gabhail òrain às an sgìre le clasaichean inbheach.
 
Thuirt an Comhairliche Rothach cuideachd: “Tha mi a’ moladh nan oifigearan Gàidhlig a thaobh na tha iad air a choileanadh ann an com-pàirteachas, agus le bhith a’ toirt taic do ghrunn bhuidhnean is dhaoine fa leth fhad ’s a tha iad ag obair agus a’ dol a-mach am measg dhaoine a dhèanamh eadar-dhealachadh do ionnsachadh na Gàidhlig sna coimhearsnachdan againn.”
 
Gaelic community learning and development initiatives commended
 
A range of Gaelic Community Learning and Development initiatives are helping to further grass roots support for people of all ages learning Gaelic in their communities across Highland.
 
Members of The Highland Council’s Gaelic Committee were updated on a wide variety of projects being delivered by the Council’s Community Learning and Development Gaelic Officers who are helping people young and older to learn or improve their Gaelic.
 
From Fort Augustus, to Portree, Inverness and Fort William; Newtonmore and Dingwall, Contin, Thurso and Bettyhill to Thurso and Plockton, Staffin, Kilmuir, Drumnadrochit and Nairn to name but a few of the locations are where Gaelic learning initiatives have reached communities.
 
Chair of the Council’s Gaelic Committee Cllr Calum Munro said: “Much work has been achieved by the Community Learning and Development officers in supporting parents and families with Gaelic in the home and in early learning and childcare settings and also supporting Gaelic in community development initiatives.”
 
Members were informed that a Gaelic toddler support worker is now employed by Highland Council in Lochaber and a new worker has commenced work covering the Moray Firth area and in Newtonmore the Gaelic parent and toddler group has now been re-established with a local playleader. To celebrate the National Gaelic event, Seachdain na Gàidhlig, the Council’s Gaelic Team organised a series of online Leugh is Seinn le Linda sessions for Highland Gaelic Medium pupils.
 
Across Primary education a partnership with FC Sonas to deliver Gaelic football camps has been highly successful. Other sports and cultural related clubs and after school activities have also been established in several primary schools encouraging young people to use Gaelic outside of the classroom in everyday life and in fun settings such as Club Spòrs, Film G and a family Fun Run.
 
In secondary schools the Community Learning and Development team support organisations such as Sabhal Mòr Ostaig; Fèis Rois, the Gaelic Careers Event Siuthad and Ainmean-Àite na h-Alba to encourage Secondary School age pupil participation in Gaelic languages events, opportunities and activities run by these organisations.
 
Across older age groups the Community Learning and Development officers have been supporting Gaelic Adult Learning Classes with a strong demand for beginners face-to-face and online classes and promoting family learning opportunities such as Family Learning events at Sabhal Mòr Ostaig on Skye and at Bun-Sgoil Ghàidhlig Loch Abar in Fort William.
 
In partnership with Alzheimer Scotland West Highland, the Gaelic Team is supporting the “Gaelic Conversations” initiative to provide support to carers and families of people living with dementia whose first language is Gaelic. The team also supported the Fort Augustus Gaelic Group on their research project “Glen of the Bards” which involves recording and performing songs from the area with adult Gaelic classes.
 
Cllr Munro added: “I commend the Gaelic Officers on their achievements in partnership and supporting the many community groups, organisations and individuals that they are working with while getting out an about and making a difference for Gaelic learning in our communities.”
 
-ends-