Spòrs Gàidhlig a’ tabhann cur-seachadan togarrach aig Àrd-sgoil a’ Phluic
Issued by Comunn na Gàidhlig
English below.
Mar phàirt den obair leantainnich aca, bha Spòrs Gàidhlig a’ ruith chur-seachadan spòrsail do dh’òigridh Àrd-sgoil a’ Phluic eadar Dimàirt 10mh is Diardaoin 12mh den t-Sultain. Chaidh aig an sgoil air seo a chur air dòigh le taic airgead bho Chomhairle na Gàidhealtachd.
’S e iomairt shòisealta a th’ ann an Spòrs Gàidhlig, a stèidheachadh ann an 2017 le Comunn na Gàidhlig gus cothroman Gàidhlig a chruthachadh agus a’ thabhann air an òigridh sa bhlàr a-muigh. Nì iad seo tro chur-seachadan a leithid claiseachd, sreap agus bòrd-seasaimh, tachartasan-còmhnaidh, agus cuairtean. Thèid gach uile pàirt den phrògram aca a lìbhrigeadh tro mheadhan na Gàidhlig. ’S iomadh buannachd dhan òigridh a thig an lùib na h-obrach seo, is cruthachaidh tachartasan Spòrs Gàidhlig àrainneachdan anns an cleachd iad an cuid Gàidhlig taobh a-muigh foghlaim fhoirmeil.
Bho Dhimàirt gu Diardaoin, bidh Sgioba Spòrs Gàidhlig ag obair le sgoilearan Àrd-sgoil a’ Phluic gus cur-seachadan togarrach a dhèanamh còmhla riutha a-muigh anns an sgìre aca fhèin. An toiseach, bidh na fileantaich S2-4 aca airson latha a bhios gu lèir tro mheadhan na Gàidhlig, agus an uair sin dà latha leis an luchd-ionnsachaidh à S2, le seiseanan a bheir cothrom dhaibhsan na sgilean Gàidhlig aca a chleachdadh ann an suidheachadh ùr. Abair thusa spòrs a bhios ann!
Bidh Spòrs Gàidhlig gu sònraichte toilichte gur e seo a’ chiad chothrom a bhios aig an neach-trèanaidh ùr aca a bhith an sàs ann an lìbhrigeadh chur-seachadan. ’S esan Somhairle MacIain, air an do chuir iad fàilte bho chionn cola-deug.
Thuirt Coinneach MacFhraing, Manaidsear Leasachaidh is Iùiliche Spòrs Gàidhlig:
“Tha sinn uabhasach toilichte gu bheil Somhairle air tòiseachadh le Spòrs Gàidhlig. Tha e riatanach ma tha sinn a’ tabhainn rud tro mheadhan mion-chànan gu bheil sinn a’ coimhead ris an ath-ghinealach de dh’iùilichean, is gu bheil daoine a’ faighinn an trèanadh. Tha sgioba luchd-obrach a th’ againn anns a’ Ghàidhlig as urrainn cur-seachadan a-muigh a’ ruith cho beag ’s gu bheil e deatamach gu bheil sinn a’ coimhead ris an ath-ghinealach.”
Photo of Coinneach Rankin, Development Manager and Instructor for Spòrs Gàidhlig and Somhairle Johnston.
Thuirt Cathraiche Comataidh Ghàidhlig Chomhairle na Gàidhealtachd, an Comhairliche Calum Rothach:
“Tha mi gu math toilichte cluinntinn mu na cothroman spòrsail air a’ bhlàr a-muigh a bha Spòrs Gàidhlig a’ lìbhrigeadh do dh’òigridh Àrd-sgoil a’ Phluic, gach cuid iadsan ann an fhoghlam Ghàidhlig agus an luchd-ionnsachaidh – agus gun do thachair seo le taic bho Chomhairle na Gàidhealtachd.
Chum e air: “Tha an tachartas seo na dheagh eisimpleir air na cothroman thar-churraicealam dhan an òigridh a tha gan lìbhrigeadh anns a’ choimhearsnachd agus an sgoil aca fhèin, a bhios gach cuid a’ brosnachadh agus a’ leasachadh an cleachdadh Gàidhlig aca, fhad ’s a tha e a’ cur ris an cuid slàinte agus sunnd.”
Às dèidh nan cur-seachadan seo anns a’ Phloc, bidh Spòrs Gàidhlig ag ullachadh airson nan tachartasan a bhios iad a’ tabhann san Dàmhair aig a’ Mhòd Nàiseanta Rìoghail san Òban. Bidh iad cuideachd a’ dèanamh fiughair ris a’ Champa Spòrs aca san Eilean Sgitheanach, a thachras sna Torran eadar 21mh is 25mh den Dàmhair, agus aig am bi deugairean à diofar sgìrean de dh’Alba.
Image of CnaG, Highland Council and BnG logos
Spòrs Gàidhlig provide engaging activities for Plockton High School
As part of their ongoing work, Spòrs Gàidhlig ran exciting activities for the students at Plockton High School between Tuesday 10 and Thursday 12 September. The school was able to put on these activities with funding from The Highland Council.
Spòrs Gàidhlig was established in 2017 by Comunn na Gàidhlig to provide new opportunities in the outdoors through the medium of Gaelic for young people. The group offer outdoor activities such as gorge walking, climbing and paddle boarding, residential camps, and trips. These unique opportunities provided by Spòrs Gàidhlig offer young people a way of using their Gaelic in a new and exciting way outside of formal education.
From Tuesday to Thursday, Spòrs Gàidhlig will be working with the pupils of Plockton High School to provide engaging activities for them outdoors in their area. They will first be working with fluent students in S2-4 for a full day of activities in Gaelic, and then the other 2 days will be spent with Gaelic learners in S2 doing activities that will offer them the chance to use their Gaelic in a different setting. It’s sure to be fun for all!
Spòrs Gàidhlig are also pleased to have this be the first opportunity for their new trainee to lead activities. The trainee is Somhairle Johnston, who started with Spòrs Gàidhlig a fortnight ago.
Coinneach Rankin, Development Manager and Instructor for Spòrs Gàidhlig, said:
“We are very happy to have Somhairle join the Spòrs Gàidhlig team. It is essential that, as an organisation that runs activities using a minority language, we encourage future instructors by making sure they have access to training for these outdoor activities. It is an incredibly small team we have that is able to offer these outdoor activities through Gaelic, and that makes it necessary for us to look to the future instructors.”
The Highland Council Chair of the Gaelic Committee, Cllr Calum Munro said:
“I am delighted to hear of the Gaelic outdoor learning opportunities that Spòrs Gàidhlig with the support of The Highland Council provided for both Gaelic Medium and learner pupils from Plockton High.
He continued: “This event is a fine example of Gaelic extra-curricular opportunities for young people that are delivered within their local community and school which enhance and increase their Gaelic language usage, whilst also supporting their health and wellbeing.”
After these activities in Plockton, Spòrs Gàidhlig will also be getting prepared for the activities they will be running in October at the Royal National Mòd in Oban. They will also be preparing for their Campa Spòrs on the Isle of Skye, which will be run in Torrin during 21 to 25 October, and teenagers from across the country will be attending.